«Ústel quny – 120 000 eýro»: Nazarbaevtyń nemeresі Nurálі men shóberesі Alan Frantsııadaǵy qaıyrymdylyq keshke qatysty (FOTO)
Taýman Nursultanuly men Nurálі Álıev Kannda ótken qaıyrymdylyq sharasynda kózge tústі.
SMARTNEWS.KZ basylymynyń habarlaýynsha, Frantsııanyń Kann qalasynda ótken Knights of Charity («Meıіrіm rytsarlary») atty dástúrlі qaıyrymdylyq keshіnde eks-prezıdent Nursultan Nazarbaevtyń týystary da kózge tústі. Atap aıtqanda, keshke onyń nemeresі Nurálі Álıev pen shóberesі Alan Álıev qatysty. Bul týraly Orda.kz jazdy.
Nurálі Álıev gala-keshten bіrneshe fotosýrettі ózіnіń Instagram paraqshasynda jarııalaǵan. Aýqymdy shara 17 shіlde kúnі áıgіlі Krýa-de-Gard saraıynda óttі. Knights of Charity – jyl saıyn uıymdastyrylatyn, álemdіk deńgeıdegі juldyzdar men yqpaldy bıznesmender jınalatyn bedeldі keshterdіń bіrі. Bıyl bul kesh tórtіnshі ret ótkіzіlіp otyr.
Keshtіń basty qonaqtarynyń bіrі retіnde Iork gertsogınıasy Sara Fergıýson kelіp, jarqyn obrazy arqyly kópshіlіktіń nazaryn ózіne aýdardy. Sharaǵa kelgenderdі áıgіlі ıtalıandyq tenor Andrea Bochellı men amerıkalyq ánshі Robın Tık kóńіl kóterіp, án saldy.
BAQ málіmetіnshe, bıylǵy shara barysynda bіrneshe balalar qoryna edáýіr soma jınalǵan.
Nazarbaevtardyń bul keshke qandaı mártebemen qatysqany belgіsіz. Bіraq mundaı keshke shaqyrylǵandardyń tek jaı orynǵa bron jasaýynyń ózі kemіnde 12 myń eýroǵa (6 mıllıon teńgeden astam) tússe, juptarǵa 33 myń eýro. Al 12 adamdyq bіr ústeldіń baǵasy 120 myń eýrodan bastap 200 myń eýroǵa deıіn jetedі.
Nurálі Álıev pen Alan Álıev qansha aqsha tólep qatysqany ázіrge jarııalanǵan joq.
Material avtory
